Pakistan News

بھارتی اسکولوں میں مضحکہ خیز سوالات، والدین پریشان

نئی دہلی : کیا آپ بھارتی شہری ہیں اور اپنے بچے کو اسکول میں داخل کرانا چاہتے ہیں؟ اگر ہاں تو پھر ان سوالات کی تیاری کرلیں، جیسے تمہارے دانتوں کا رنگ کیسا ہے؟ ایک ایسا مشروب کا نام بتائے جو صبح پیا جاتا ہے اور اس کا رنگ دانتوں جیسا ہے؟

آخر آپ کیلا کیسے کھاتے ہیں، اور اس کے چھلکے کے ساتھ کیا کیا جاتا ہے؟

یہ وہ چند ” زبردست ” سوالات ہیں جو بھارتی اسکولوں میں کے جی جماعت کے داخلے کے دوران بچوں سے کئے جاتے ہیں۔

جی ہاں بھارتی اسکولوں میں کنڈر گارڈن اسکولوں میں ایسے ایسے انٹرویوز ہورہے ہیں کہ والدین کو سمجھ ہی نہیں آتا کہ وہ اپنے 3 یا 4 سال کے بچوں کو کس طرح اچھے اسکولوں میں داخل کرائیں۔

ایک خاتون کے مطابق اسکولوں کے انٹرویوز تو اب ملازمتوں سے بھی زیادہ پیچیدہ مشکل ہوگئے ہیں۔

ایک اور خاتون کے مطابق وہ تو اپنے بیٹے سے پوچھے گئے سوالات پر دنگ رہ گئیں، مثال کے طور پر بچے کو ایک ٹافی دیکر پوچھا گیا کہ ریپر کے نیچے کیا چیز ہے، آخر اس طرح کے سوالات کا کیا مقصد ہے اور اس ٹیسٹ وہ کیا نتائج نکالتے ہیں۔

Most Popular

To Top